IL-MISSJONI TAGĦNA
Il-missjoni tad-Dipartiment tal-Ġustizzja hija biex jikkoordina, jappoġġa u jissorvelja l-funzjonijiet ta' numru ta' oqsma fis-settur tal-ġustizzja fi ħdan il-mandat tad-Dipartiment tal-Ġustizzja.
L-Għanijiet tad-Dipartiment huma:
- li jipprovdi appoġġ u pariri lill-Ministeru responsabbli għall-Ġustizzja dwar materji li għandhom x’jaqsmu ma’ affarijiet tal-ġustizzja;
- li jipprovdi servizzi ta’ appoġġ lil entitajiet fis-sistema ġudizzjarja;
- li jiġbor u jżomm reġistru aġġornat ta’ persuni interessati li jservu bħala esperti tal-qorti;
- li jipproċessa applikazzjonijiet taħt obbligi statutorji u mhux statutorji;
- li jikkoordina dwar kwistjonijiet relatati mal-appoġġ lill-vittmi tal-kriminalità;
- li jikkollabora ma’ xi kummissjoni, tribunal, dipartiment jew entità oħra dwar materji li għandhom x’jaqsmu mal-ġustizzja;
- li jiffaċilita l-ħatra jew il-ħatra mill-ġdid ta’ Presidenti u Membri fuq Bordijiet u Tribunali relatati mas-settur tal-ġustizzja;
- li jmexxi l-implimentazzjoni ta’ proġetti u inizjattivi lokali u tal-UE li jaqgħu taħt il-kompetenza tad-Dipartiment;
- li jipproponi u jibda proġetti biex itejjeb l-effiċjenza u l-kwalità tas-sistema ġudizzjarja.
